Fases do modelo indagativo

Lesson

Fases do modelo indagativo

O seguinte modelo pode axudar ao profesor a seguir máis facilmente as habilidades requiridas en cada paso do modelo de indagación, á vez que lle permite identificar facilmente os standards de aprendizaxe requeridos no curriculum.

FASES DO MODELO INDAGATIVO

FASE 1. Identificación da cuestión guía.

FASE 2. Deseñar un método para a recollidad de datos.

FASE 3. Análise e interpretación dos datos. Diferencia entre conxetura, evidencia e xustificación da evidencia.

FASE 4. Sesión de argumentación (Science Talk)

FASE 5. Comunicar a experiencia. Elaboración de informes

FASE 6. Revisión por pares dos informes.

FASE 7. Revisión polo profesor.

FASE 1. Identificación da cuestión guía.

A pregunta ou cuestión guía, na maioría das ocasións, vén determinada polo profesor. Este identifica un fenómeno e ofrece unha cuestión guía para que os alumnos poidan resolvela. O obxectivo é captar a atención dos estudantes e darlles unha razón para completar a investigación. Para iso, o profesor debe repartir unha copia da guía da actividade para realizar. Dita actividade debe incluír unha breve introdución que describa o fenómeno ou problema a resolver, o medio que utilizarán para presentar a súa argumentación (Lousa, cartolina, pantalla,..) e que criterios serán usados para valorar a calidade do seu traballo, así como as expectativas da súa investigación.

Para estudantes con problemas á hora de ler textos científicos recoméndanse estratexias de comprensión lectora, como facer anotacións, rodear palabras importantes.

É importante que neste momento o profesor utilice uns minutos para explicar como usar o equipamento necesario para o traballo do laboratorio, liquidar problemas coas simulación de computador ou revisar entre todos os mínimos requiridos no software para analizar datos.

FASE 2. Deseñar un método para a recollida de datos.

Este proceso é un dos máis importantes do modelo. O impulso natural dos alumnos é comezar a cacharrear e poñer a traballar no laboratorio. A función do profesor terá que ser a de achegar calma para que os alumnos realicen unha boa planificación do proceso e desenvolvan un método para a recollida de datos acorde coa pregunta a responder.

O profesor debe guiar aos alumnos sobre o tipo de datos que necesitan recoller, como recollelos e como analizalos. Para iso proponse o seguinte modelo de "Guía para a investigación"

FASE 3. Análise e interpretación dos datos. Diferencia entre conxetura, evidencia e xustificación da evidencia.

A partir da nosa cuestión guía, os estudantes, tra-la realización da experiencia, propoñen unha resposta que teña sentido en base ás súas medidas e observacións. A resposta ou argumento a dar consistirá en:

Unha conxectura

Hipótese, explicación, modelo ou calquera outra resposta que de explicación ao noso fenómeno.

Evidencia

A partir dos datos recolleitos, analízanse e interpretan. Nas ciencias naturais, por exemplo, os datos son normalmente analizados para identificar unha tendencia, unha diferenza entre grupos ou obxectos ou unha relación entre variables.

Xustificación da evidencia

Explica a importancia da evidencia relacionando os conceptos cunha interpretación explícita anterior. A interpretación dos datos é consistente con teorías e leis previas.

Exemplo

Conxectura.

Os golfiños son máis próximos evocativamente ao can que aos peixes.

Evidencia

Golfiños e cans son de sangue quente, toman osíxeno do aire, alimentan ás súas crías nos primeiros estadios da súa vida grazas ao leite producido nas súas mamas.

Os peixes son de sangue frío, toman osíxeno da auga e non producen leite.

A evidencia indica que golfiños e cans teñen máis en común que golfiños e peces.

Xustificación da evidencia.

A evolución indica que os organismos que comparten un antecesor común terán máis características común.

Os organismos cun antecesor común próximo teñen máis características en común que un antecesor afastado.

Para os alumnos é importante comprender que algúns argumentos son mellores que outros.

O reto para o profesor é conseguir que os estudantes se pregunten, en cada momento, que están a facer e porqué están a facelo.

Os profesores deberían lembrar aos estudantes que están a tratar de pescudar, a importancia dos datos obtidos.

FASE 4. Sesión de argumentación (Science Talk)

Nesta fase , a cada grupo dáselle a oportunidade de compartir, avaliar e revisar os seus argumentos con outros grupos. Esta fase probablemente é menos coñecida polos profesores, pero é crítica para a argumentación científica (pódese desenvolver cos profesores de linguas ou en combinación con eles). A crítica sobre as nosas explicacións permite mellore

s produtos e os estudantes

aprenden máis sobre o contido desenvolvendo habilidades propias do pensamento crítico. Tratar ideas con escepticismo, insistir en que os razoamentos sexan explícitos e que as conxecturas finais sexan sostidas por evidencias válidas.

É importante ter enconta que este tipo de discusión vai resultar estraña entre a maioría dos estudantes e require unha especial atención por parte do profesor.

Para que todos os grupos acheguen os seus argumentos recomendamos que un membro de cada grupo comparta os seus argumentos mentres outros membros do grupo revisan as argumentacións dos demais. Os alumnos non deberían saber quen é o alumno encargado de explicar.

Para as primeiras discusións, ou para as discusións en idades temperás é aconsellable que o profesor se atope presente en todas as discusións. Para iso, sería aconsellable facer as discusións en grupo.

FASE 5. Comunicar a experiencia. Informe escrito

A fase anterior resultounos de gran axuda para poder realizar unha comunicación oral do noso traballo. Con todo os traballos de índole científica adoitan incluír un informe final no que se detallan os resultados e explícase de forma minuciosa a interpretación dos datos obtidos, seguindo un esquema estandarizado. Para comezar, nos grupos de alumnos novos propoñemos un informe sinxelo que nos permita reflectir os nosos resultados sen estendernos demasiado. Aconsellamos que o informe sexa de non máis de dous carillas de DIN A4. Desta maneira o noso informe debería centrarse en tres cuestiones fundamentais:

Que estou a tentar facer e porqué? Nun traballo clásico de investigación sería a Introdución.
Que fixen e porqué? Nun traballo clásico de investigación sería o procedemento
Cal é o teu argumento? Nun traballo clásico de investigación serían os resultados e as conclusións.

É moi importante que, durante este proceso, os estudantes usen táboas e gráficos como axuda para organizar os datos. Este método permítelles aprender a construír unha explicación desde a evidencia e comunicar a información. O cal permite aos estudantes dominar habilidades de escritura, polo menos de textos científicos, outra oportunidade para traballar cos profesores das diferentes linguas.

É importante, as primeiras veces que abordemos un informe, seguir as seguintes estratexias:

Realizar un informe na clase para asistilos durante o proceso.

Parar durante a fase 1 (Identificación da cuestión guía) e permitir aos alumnos escribir a primeira sección do informe.
Durante a fase 3 (Análise e interpretación dos datos), darlles tempo para realizar a segunda parte (Que fixen e por que?)
Finalmente tras a fase 4 (Sesión de argumentación) pódese elaborar a terceira parte (Cal é o teu argumento?)

FASE 6. Revisión por pares dos informes.

Nesta fase o alumno pode recibir 2 ou 3 copias dos traballos dos seus compañeiros. Os alumnos non escriben o nome nos seus informes, cada estudante usa un número de identificación. Os grupos reciben 3 ou 4 informes e unha guía para a corrección dos mesmos.

A revisión dos traballos axuda a discutir e valorar "O que conta" como aceptable. Ademais axuda a coñecer novas formas de presentar os traballos. Os estudantes adquiren habilidades propias da lectura como: determinar ideas centrais, identificar conclusións, valorar o significado dos símbolos e os termos crave. Unha nova oportunidade para aliarnos cos profesores de linguas do noso centro.

Os profesores poden cambiar a guía de corrección, modificando a linguaxe dos ítems da rúbrica para incluír novos ítems que axuden a descubrir ideas e fenómenos experimentados durante a actividade.

REVISIÓN DO INFORME

Unha vez revisado o informe coa rúbrica correspondente, o autor recibirá unha serie de suxestións que lle axudarán a mellorar o seu informe.

Se un informe foi atopado como inaceptable, o autor deberá reescribilo e enviarllo ao seu profesor.

comments

Author	Jose Viñas
Tags	IBL Indagación LecciónModelo

Lesson

Fases do modelo indagativo

Report resource